9 тамызда Бөрлі ауылдық модельді кітапханасында «Неменелер» клубының 10 мүшесінің қатысуымен «Жыл мезгілдері» атты Абай оқулары оздырылды. Балаларға ұсынылған «Әлемге ең танымал ақын» кітап экспозициясы барысында 10 кітап таныстырылды. Кітап шолуын өткізген кітапханашы Жандосова Т. К. мен ақынның өмірдерек мәліметтерімен таныстырған кітапханашы Уварова Т. М. балаларға Абай Құнанбайұлының 170 жылдық мерейтойына орай ашылған сайтқа жүгінді. Тағылымы мол шара Уварова Н., Миргалиева Ж., Полякова М. орындауындағы мәнерлеп оқылған өлең топтамасымен жалғасын тапты. Тақырыпқа сәйкес жас оқырмандарға кемеңгер ақын Абайдың «Жыл мезгілдері» циклынан қазақ және орыс тілдерінде өлеңдер ұсынылды. Шара қорытындысы дипломдар мен тәтті сыйлар тарту етілген марапаттау рәсімімен айшықталды.
|