26 тамызда таңертеңгі сағат 10 – да бүкілқазақстандық тұңғыш «Ақ орамал» акциясы бастау алды. Бөрлі ауылдық модельді кітапханасының ұжымы да осыған орай шара ұйымдастырып, атсалысты. Ауылдық саябақта орын тепкен Даңқ мемориалы жанына жиналған әйелдер қауымы – Бөрлі ауылдық округіндегі мәдениет, денсаулық сақтау, білім беру, кітапхана ісі, өзге де салалардың қызметкерлері Елбасының бейбітшілік пен соғыстан, ядролы қарудан, лаңкестіктен ада тіршілікке үндейтін Манифестке қолдау көрсетіп, акция нышаны – ақ орамал тартты.   
            Жиналғандар алдында сөз алған ауыл ақсақалдары: Муканов Г.Н., ардагерлер кеңесінің төрайымы Наумова Н. А.соғыссыз, қару – жарақсыз тіршілік туралы салиқалы сөздерін айтты.
         Семей ядролық сынақ жүргізу полигонының жыбалғанына, міне,  25 жыл толып отыр. Барша саналы азаматтар өткен тарихтағы қайғылы оқиғалардың қайталанбауы үшін күш – жігерлерін жұмсап, ғаламшарды қақтығыс пен қантөгістірден құтқаруы керек. Қатысушы әйел адамдар Ұлы Отан соғысы жылдарында өмірлерін сарп еткен бөрліліктерге арналған Мәңгі Даңқ Мемориалына гүл шоқтарын қойды. 
       Аталмыш шара Мәдениет үйінде ұйымдастырылған дөңгелек үстел басында өз жалғасын тапты. Шараға қатысушылар қазіргі қоғамдағы әйел адамның орны мен маңыздылығы, ұлттық дәстүр мен ананың келісім мен бейбітшілік ісіне қосар үлесі туралы өз ойларын ортаға салды.  Кітапханашы  Жандосова Т. К. бір кітап негізінде кітапхана қорында сақталған материал туралы пайымдап, кітапханаға шықырды.