29 тамызда Бөрлі ауылдық модельді кітапханасының кітапханашылары ауылдық Мәдениет үйінде «Ата заңым – мақтанышым, қорғанышым» атты танымдық сағат ұйымдастырды. Мәдениет саласының қызметкерлеріне Қазақстан Республикасының Конституциясы туралы кітаптар шолуы ұсынылды. Танымдық сағатты ашқан кітапханашы  Жандосова Т. К. 2016 жылы кеңінен аталып өтілетін мерейтой, тарихи елеулі оқиға – Қазақстан Республикасы Тәуелсіздігінің 25 жылдығына ерекше тоқталды. Сол себепті қазақ елі Коснтитуциясының – мемлекеттің басты құқықтық іргетасы ретінде биылғы тойлануы ерекше мәнге ие болып отыр. Қазақ елінің Ата Заңы тарих сынынан өтіп, талай сындарлы оқиғаларды басынан өткізді, егеменді өзге елдермен терезесі тең елдер қатарына енуге арқау болды. Мемлекеттілігінің нышандарын нық бекітіп, ғасырлар бойы халық аңсаған қазақ мемлекеттілігіне қол жеткізіп, тарихи миссиясын абыроймен атқарды. Шара соңында кітапханашы Уварова Т. М. кітап көрмесі бойынша библиографиялық шолумен таныстырды.