2016 жылдың  5 қаңтар күні Бөрлі ауылдық модельді  кітапханасында туған өлкеміз – Ақжайық өңірінен шыққан  поэзия әлемінің алып тұлғасы Қадыр Мырза Әлиге арналған шара өткізілді. Аталмыш әдеби шараға қатысқан Бөрлі жалпы білім беретін орыс мектебінің 7Б сынып оқушылары мен сынып жетекшісі Смоленская А. В. Жас оқырман балаларға арналып жерлес ақын ағамыздың шығармашылыққа толы ғұмырынан сыр шертетін слайд көрсетілімі дайындалды. Кітапханашы  Уварова Т. М. «Өлеңге – мырза, өмірге – ырза» атты кітап көрмесіне шолу жасап, таныстырды. Қатысушы оқушылар ақынның өлеңдерін оқыды. Шара барысында қолданылған ақпарат кейін Қ.Мырза Әлидің «Қызыл кітап» туындысы бойынша өткізілген викториналық сұрақтарға жауап беруде өте орынды болды. Қысқы демалыстарының бір күнін өз ауылдарының кітапханасында қызықты да мазмұнды өткізген мектеп оқушылары жақсы көңіл – күймен тарқасты.