12 қаңтар күні Бөрлі ауылдық Мәдениет үйінде кітапханашылардың ұйымдастыруымен Сырым Датұлының 275 жылдық мерейтойына орай «Ел бастаған көсем, сөз бастаған шешен» атты кітаптар көрмесі ұйымдастырылды.Көрмеге 6 адам қатысты. Алғашқы сөзді Бөрлі ауылдық модельді кітапханасының меңгерушісі Буянкина И.Г. сөйледі. Ол Сырым Датұлының жасаған іс-әрекеттері туралы баяндап берді. Сырым Датұлының мерейтойына ұйымдастырылған көрмені кітапханашы Уварова Т.М. таныстырды. Көрме 8 кітаптан және де «Батыр Сырым Датов» атты жинақ папкасынан тұрды. Мәдениет үйінің қызметкерлері көрме бойынша сұрақтар қойып, өз ойларымен бөлісті. Сырым Датұлы туралы «Тұлға: Личность», «Мектеп кітапханасы», «Менің Қазақстаным» атты кітаптар кітапханада сақталған. Мәдениет үйінің саз жетекшісі Суханова Виктория Қадыр Мырза Әлидің «Таңдамалы туындыларының көптомдығы» атты кітабынан «Сырым Датұлы» өлеңін мәнерлеп оқып берді.
|