18 наурыз күні Бөрлі ауылдық модельді кітапханасында «Модельді кітапханасы – ақпараттық орталығы» атты кітапханалық сабақ өткізілді. Сабаққа Бөрлі қазақ мектебінің 8 - сынып оқушылары, сынып жетекшісі Хасанов М.Ж. қатысты. Сабақтың басты мақсаты оқушыларды кітапхананың тарихымен таныстыру және өзгерістер мен кітапхананың атқаратын қызметі туралы мәлімет беру. Алғашқы сөз кітапхана меңгерушісі Буянкина И.Г. берілді. Кітапханалық сабақты кітапханашы Тойданова А.М. өткізді. Кітапханашы оқушыларды кітапхананың тарихымен таныстырды. Кітапханашы Тойданова А.М. өз сөзінде: Бөрлі ауылының кітапханасына 25 ақпан 2015 жылы «Модельді ауылдық кітапхана» статусы берілді. Кітапхана толығымен жөндеуден өтіп, заман талабына сай жабдықталып, оқырмандарға барлық мүмкіндік жасалды. Қазіргі таңда кітапханадағы кітап қоры – 29915 дана, соның ішінде 5155 кітап қазақ тілінде , сөйлейтін кітаптар мен ашылмалы кітаптар бар. Кітапханада интернет жүйесі қосылған. Кез келген уақытта оқушылар келіп компьютермен жұмыстана алады. Модельді кітапхана - оқырмандарға кітапханалық қызмет көрсетуді жоғары сатыға көтеретін жаңа кітапхана. Оның басты міндеттері – ақпаратты компьютерлік жинау, өңдеу, топтау, сақтау және сұраным бойынша талап етушіге жеткізу, компьютерлік технологияларда енгізудің арқасында электронды ақпараттар қорын қалыптастыру, сондықтан осындай кітапханалардың ашылуы - өскелең ұрпақтың болашағына , оның білім алып, сауат ашуына мүмкіндік береді, - деп оқушыларға түсіндіріп өтті. Оқушылар кітапхана бойынша сұрақтар қойып, өз ойларымен бөлісті. Сабақ кітаптар көрмесін тамашалауымен аяқталды.