5 сәуір күні Бөрлі ауылдық модельді кітапханасы «Балалар және жасөспірімдер кітабы» апталығында 3- сынып оқушылары мен «Почемучка» клуб мүшесінің қатысуымен «Мой любимый сказочный герой» атты сурет байқауын ұйымдастырды. Байқауға оқушылар қызығушылықпен қатысып, тез арада суреттерін тапсырды. Кітапхана қызметкерлері мен кітапхана меңгерушісі Буянкина И.Г. суреттерді қарап, ең үздік суреттерді таңдап алды. Ирина Геннадьевна оқушыларды «Балалар және жасөспірімдер кітабы» апталығының шығу тарихымен таныстырды. Байқаудың шарты бойынша суреттердің бояуы, түс қанықтығы, ең бастысы кейіпкерлердің кітаптан алынғандығы қаралды. Ең үздік суреттері үшін Султанбекова Динара, Павлицкая Марина және Слета Валерия мақтау қағаздарымен, қарандаштармен марапатталды. Қалған қатысушыларға тәтті сыйлықтар берілді.