Ағымды жылдың 17 наурыз күні Бөрлі ауылдық модельді кітапханасында Наурыз мейрамына орай "Наурыз думан" атты мерекелік шарасы ұйымдастырылып өткізілді. Іс-шараға Бөрлі негізгі қазақ мектебінің 7 сынып оқушылары мен жетекшісі Ихсанова Тілехан Орынқызы қатысты. Бағдарлама жүргізушілері Тоқпанова Қ., Абдирова А. оқырмандар мен жиналған меймандарға Наурыз мерекесін өткізу дәстүрлері туралы баяндап берді. Балалар Наурыз мейрамына арналған өлеңдер оқып, әндер шырқады. Мәнерлеп оқуға қатысқан оқушылар: Асарова М., Балписова Қ., Мақпазова Д., Орынгалиева М., Өтебаева Г., Хайрамбаева А., Жақсыбаева А., Исенгулова Б. Бағдарлама барысында қонаққа шақырылған қадірлі мейман, кітапхананың тұрақты оқырман Н. А. Наумова барша қауымды келе жатқан Наурыз мейрамымен құттықтап, денсаулық, бақыт, оқуда табыс тіледі. Іс-шара жоспары негізінде "әже" бейнесін сомдаған Балписова Қ. тойшыларды құттықтап, мерекелік шашу шашты.

    Мерекелік "Наурыз думан" іс-шарасына қатысушылардың барлығына дәмді сыйлар табысталды. Меймандар мерекелік дастархан басына шақырылды.