2016 жылдың 08 сәуірінде Бөрлі ауылдық модельді кітапханасында «Құстар – біздің досымыз» атты құстар мерекесі өткізілді. Шараға Бөрлі ЖОББМ 3 сынып оқушылары мен сынып жетекшісі Биктасова А.К.қатыстырылды.Мереке басында кітапханашы Уварова Т.М. балаларға жергілікті аймақта кездесетін құстар, олардың өсіп – өну ерекшеліктері әңгімелеп берді. Шараның келесі кезеңі топтық ойынмен жалғасты. Қатысушы балалар екі топқа бөлініп, «Сауысқандар» мен «Қырандар» болып, 6 сатыдан тұратын додада бақ сынасты:

1. Жаттығу \құс атауларын білу\
2. Мақал – мәтел сайысы \құстарға байланысты мақал – мәтелдер\
3. «Тырылдақ сауысқандар» \жаңылтпаштар айту\
4. Құстар туралы жұмбақтар
5. «Сенемін – сенбеймін» \құстарға байланысты қызықты жағдайлар\
6. Аңыз – әңгімелердегі ғажайып құстар жайында не білеміз?

Ойынның қорытындысы бойынша «Сауысқандар» тобы жеңіске жетті. Шараның жалғасы балалардың құстар туралы ән – өлеңдерімен  өрілді. Балаларға арналып кітапханада құстар туралы кітаптар көрсетілімі ұйымдастырылды. Кітапханашы Жандосова Т.К.аталған кітап көрсетілімі бойынша библиографиялық шолу жасады. Шараға қатысушылардың барлығына тәтті дәмдер тататылды.