2015 жылдың 03 желтоқсан күні Бөрлі  ауылдық модельді кітапханасында Сапарғали Бегалиннің 120 жылдығына арналған іс – шара өткізілді. Алдын ала өткізілген жұмыс барысында мектеп мұғалімі В.М.Матвееваға автордың «Әңгімелер» жинағы ұсынылды. Жинаққа енген әңгімелердің біріне оқырман балалар сурет салу тапсырмасын орындады. Шығармашылық жұмысты орындаған 7 оқушы өз туындыларымен таныстырды. «Балалықтың бар сыры қаламынан тараған» атты кітап көрмесімен таныс болған жас оқырмандар, балалар  әдебиетінің жарқын жұлдызы, жазушының өмір – тынысымен таныс болды. «Құстың туған жеріне деген сүйіспеншілігі» әңгімесі бойынша оқылым ұйымдастырылып, М.Мамотенко, Я.Суркова, А.Василенко, Л.Горевая көркемдік оқулары тыңдалды. Танымдық шара барысында балалар құстар жайлы өлең оқыды. Белсенділік пен ынта танытқан барша жас оқырмандарға тәттілер таратылды.