6 мамыр күні Бөрлі ауылдық модельді кітапханасында Кеңес Одағының батыры Мәншүк Мәметованың 95 жылдық мерейтойына орай «Өткен ғасырдың даңқты есімі» атты сабақ өткізілді. Сабаққа Бөрлі ЖББОМ 5- сынып оқушылары және сынып жетекшісі Хасанова М.М. қатысты. Барлығы 14 оқушы. Кітапханашы Уварова Т.М. оқушыларға қазақтың батыр қызы Мәншүк туралы айтып берді. Биыл Кеңес Одағының батыры Мәншүк Мәметова 95 жасқа толар еді. Бірақ тағдырдың жазуымен Мәншүк Мәметова 21 жасқа толмастан ерлікпен көз жұмады. Кейін оқушыларға Мәншүк Мәметованың өмірбаяны мен ерліктері туралы слайд көрсетіліп, оқушылар «Маметова Мәншүк Жиенғалиқызы» туралы бейнероликті тамашалады . Оқушылар қойылған сұрақтарға жауап беріп, өз ойларын ортаға салды. Кітапханашы Уварова Т.М. оқушыларды «Ұлы Жеңіске мың тағзым» атты көрмемен таныстырды. Оқушылар қызығушылықпен кітаптармен танысып шықты.
|